چھوٹی سورج کے لیے ان کے بھائی ہیمراج، جو پارک میں نیچرلسٹ کے طور پر کام کرتے تھے، ایک تحریک کا ذریعہ تھے۔ وہ کہتی ہیں کہ  میں چھپ کر ان کے ساتھ پارک جاتی تھی۔ ان دوروں کی یادوں نے مجھے بھی نیچرلسٹ  بننے کی رغبت دی۔ ہیمراج کی مسلسل اصرار کی وجہ سے ہی مجھے سوای مہدوپور منتقل ہونے کی اجازت ملی۔ جہاں مجھے ایک اسکول میں داخل کر لیا گیا۔

جدوجہد کی کہانی 

وہ میرے زندگی کے بہترین دن تھے۔جب میں نے اپنی تربیت مکمل کر کے پارک میں بطور قدرتی ماہر شمولیت اختیار کی تو مجھے بہت سے مذاق اور طنز کا سامنا کرنا پڑا۔ میرے خاندان نے کہا کہ غیر ملکی سیاحوں کے آس پاس رہنے سے میرا کردار خراب ہو جائے گا۔ میرے ساتھ کام کرنے والے مرد میرے بارے میں بد تمیز تبصرے کرتے اور میرا مذاق اڑاتے تھے۔ میں نے ان باتوں کو دل پر نہیں لینے دیا-میرے خاندان کے نظریات کو تبدیل کرنے میں مجھے بہت وقت لگا۔ کیونکہ وہ صرف لڑکیوں کو گھر میں رکھنے کی سوچ رکھتے تھے۔ پورے گاؤں نے مجھے نوکری چھوڑ کر گھر بیٹھ جانے کے لیے مجبور کرنے کی کوشش کی۔ سب میرے خلاف تھے- ان اتار چڑھاؤ کے دوران ہیمراج ہمیشہ میرے ساتھ کھڑے رہے ۔ میری حمایت کی۔میں نے کلاس 10 میں پہلی بار انگریزی حروف تہجی سیکھی۔ اس سے پہلے میں ہندی میڈیم اسکول میں پڑھتی تھی۔ میں بیان کرتی ہوں۔چونکہ میں نے جنگلی حیات اور قدرت کے ساتھ پل کر بڑھی ہوں، لہٰذا علاقے کے جانوروں اور پرندوں پر میری گرفت بے مثال ہے۔ تاہم، مجھے بات چیت کی مہارتیں سیکھنی پڑیں۔

مینا ایک شیرنی 

---

کیسے سیکھی انگلش 

ایک ابتدائی گائڈ ٹور  کے دوران میں ایک غیر ملکی جوڑے کے ساتھ تھی۔ ہم نے ایک پرندہ دیکھا،اگرچہ میں اس کا مقامی نام جانتی تھی۔ مگرمیں اسے ان کو سمجھانے سے قاصر رہی۔ اسی وقت مجھے احساس ہوا کہ مزید سیکھنا ضروری ہے۔ میں کبھی بھی سیکھنے سے پیچھے نہیں ہٹی،یہی میری سب سے بڑی خصوصیت ہے۔ ابتدائی دنوں میں میں ایک چھوٹی سی نوٹ بک رکھتی تھیں جس میں گفتگو کے دوران ملنے والے نئے الفاظ کو نوٹ کرتی تھیں۔گھرواپس آ کر ہرلفظ کا مطلب ڈکشنری سے معلوم کر کے لکھ لیتی تھیں۔ اسی طرح میں نے بات چیت کی انگریزی سیکھی۔میرا پہلا پیشہ ورانہ مشاہدہ 16 اکتوبر 2007 کو ہوا تھا۔ مجھے وہ دن یوں یاد ہے جیسے کل ہی ہو۔ رنٹھمبور نیشنل پارک کے ہر شیر کو نمبر دیا گیا ہے، اس لیے میں یقین سے کہہ سکتی ہوں کہ میں نے زون 5 میں ٹی 24 شیر دیکھا، اور پھر اسی زون میں ایک شیرنی، ٹی13 دیکھی۔ یہ دونوں جانور جیپ کے دونوں جانب موجود تھے۔ تصور کریں کہ میری پہلی اکیلی سواری کے دوران ایسا منظر دیکھنا کیسا رہا ہوگا

بہترین گائڈ کے ایوارڈ