نئی دہلی/ آواز دی وائس
ہندوستانی اسٹاک مارکیٹ میں جاری گراوٹ رکنے کے آثار نہیں دکھا رہی ہے اور آج (24 فروری 2025) ایک بار پھر مارکیٹ کا آغاز منفی نوٹ پر ہوا۔ دونوں بڑے انڈیکس بی ایس ای سینسیکس اور این ایس ای نفٹی سرخ رنگ میں کھلے۔ سینسیکس آج ابتدائی تجارت میں 0.6 فیصد گر کر 74,837.88 پوائنٹس پر کھلا، جب کہ نفٹی 0.65 فیصد گر کر 22,647.85 پر کھلا۔
اسی طرح نفٹی بینک کا بھی کمزور آغاز تھا اور وہ 0.74 کی کمی کے ساتھ 48,619.80 پر ٹریڈ کر رہا تھا۔ مسلسل کمی مارکیٹ میں جاری اتار چڑھاؤ کے درمیان محتاط سرمایہ کاروں کے جذبات کی عکاسی کرتی ہے۔
گزشتہ ہفتے بھی گراوٹ کا رجحان رہا۔
ہندوستانی اسٹاک مارکیٹ گزشتہ ہفتے کمزور نوٹ پر بند ہوئی۔ جمعہ (21 فروری) کو بی ایس ای سینسیکس اور این ایس ای نفٹی دونوں خسارے کے ساتھ بند ہوئے۔ بینچ مارک سینسیکس 0.56فیصد گر کر 75,311.06 پر بند ہوا، جبکہ نفٹی 0.51فیصد گر کر 22,795.90 پر بند ہوا۔
مارکیٹ میں گراوٹ کا یہ مسلسل چوتھا سیشن ہے۔ پچھلے چار کاروباری دنوں میں، سینسیکس 685.8 پوائنٹس یا 0.90فیصد گر گیا ہے، جبکہ نفٹی 163.6 پوائنٹس یا 0.71فیصد گر گیا ہے۔
