ممبئی: گزشتہ تین چار مہینوں سے مہاراشٹر میں سیاسی اور سماجی ماحول کو زہر آلود کرنے کی کوشش ہو رہی ہے۔ ناگپور میں فسادات کرائے گئے، اور کچھ سیاسی رہنما زہریلی بیان بازی کر رہے ہیں۔ ایسے نفرت انگیز ماحول میں، ہم میں سے بہت سے لوگ ایک مختلف سوچ رکھتے ہیں ۔ ہم سب جانتے ہیں کہ بطور شہری اس منافرت کا  سب سے بہترین جواب ہم آہنگی کو فروغ دینا ہے۔اسی دوران میرے ایک دوست وجے تامبے نے ہمارے دوسرے دوست گنیش کانٹے کی فیس بک پوسٹ پر ایک تبصرہ کیا جس نے میرے دل کو چھو لیا۔ اس نے لکھا کہ ہمیں عید کے دن قریبی مسجد جا کر اپنے مسلم بھائیوں کو مبارکباد دینی چاہیے۔ یہ پڑھ کر میں نے سوچا ہم نے اس سے پہلے یہ خوبصورت قدم کیوں نہیں اٹھایا۔ ایک ایسے ماحول میں جہاں ہندوؤں اور مسلمانوں کو ایک دوسرے کے خلاف کھڑا کیا جا رہا ہے، عید سے بہتر دن اور کیا ہو سکتا ہے کہ ہم اپنے دلوں میں موجود خیر سگالی کا اظہار کریں؟

چنانچہ ہم چند لوگ دنڈوشی، گورےگاؤں سے اس راہ پر سفر کے لیے تیار ہو گئے۔ عید کی صبح ہم قریبی مسجد جائیں گے،لوگوں کو عید کی مبارکباد دیں گے۔ بس ایک چھوٹا سا قدم یا پہل لیکن ایک بڑا پیغام ۔ بعد میں ہمیں معلوم ہوا کہ اس دن مہاراشٹر کے کئی دیگر شہروں میں بھی ایسے ہی اقدامات کیے جا رہے تھے۔ پونے، ستارا، وردھا اور دیگر کئی مقامات پر بھی ہم جیسے سوچ رکھنے والے لوگوں نے یہی ایسا ہی کچھ کیا 

میرے گھر کے قریب ایک مسلم اکثریتی علاقہ پٹھان واڑی ہے۔ ہم نے وہاں کی نورانی مسجد کا انتخاب کیا۔ یہ ایک کشادہ پانچ منزلہ عمارت ہے جو مصروف رانی ستی مارگ پر واقع ہے۔ میں نے اپنی صبح کی چہل قدمی کے دوران اس علاقے میں دو تین بار دورہ کیا تھا اور مقامی لوگوں سے بات چیت بھی کی تھی تاکہ جگہ کا بہتر اندازہ ہو سکے۔

عید کی صبح، ہم سات لوگ صبح 9 بجے مسجد کے باہر جمع ہوئے۔ مسجد کے سامنے کچھ پولیس اہلکار سکون سے بیٹھے تھے۔ نمازِ عید ختم ہو چکی تھی اور زیادہ تر لوگ گھر جا چکے تھے۔ اگر ہم ایک گھنٹہ پہلے پہنچ جاتے تو زیادہ لوگوں سے ملاقات ہو سکتی تھی، لیکن چونکہ عید کا دن تھا، پھر بھی ایک پُرسکون آمدورفت جاری تھی۔ہم نے لوگوں کو "عید مبارک" کہنا شروع کیا اور بات چیت کا آغاز کیا۔ ہماری موجودگی نے انہیں حیران کر دیا۔اچھی طرح سے۔ وہ خوشگوار حیرت میں مبتلا ہو گئے۔ جلد ہی، ہم ملک اور مہاراشٹر کی موجودہ صورتحال پر گفتگو کر رہے تھے۔ کچھ لوگوں نے کہا کہ وہ پہلے اپنے رشتہ داروں اور دوستوں کو مہاراشٹر کی رواداری اور ہم آہنگی کے بارے میں فخر سے بتایا کرتے تھے، لیکن اب وہ اتنے پُر یقین نہیں رہے۔

ہماری ملاقات ایک شخص، معین الدین سے ہوئی، جنہوں نے مسجد کی کمیٹی کے کچھ افراد کو ہمارے ساتھ شامل ہونے کے لیے بلایا۔ جب تک وہ آئے، ہم نے مسجد کے باہر چند تصاویر کھینچ لیں۔ جب کمیٹی کے اراکین پہنچے، تو انہوں نے نہایت گرمجوشی سے ہمیں اندر آنے کی دعوت دی۔ وہاں ایک دل کو چھو لینے والی گفتگو ہوئی۔ انہوں نے ہمیں مسجد کی سرگرمیوں کے بارے میں بتایاکہ رمضان کے دوران جمع کی گئی چندہ رقم ضرورت مندوں کی مدد کے لیے استعمال کی جاتی ہے۔ چاہے ان کا تعلق کسی بھی مذہب سے ہو۔ انہوں نے ایک واقعہ بھی سنایا جب دو سال پہلے بارش کے دوران امبیڈکر نگر (ہمارے علاقے کے پمری پاڑہ میں ایک بڑی بستی) کے قریب ایک دیوار گر گئی تھی۔ہم نے 14 لاکھ روپے اکٹھے کر کے مدد فراہم کی،" وہ فخر سے کہہ رہے تھے۔

ہم نے یہ بھی سیکھا کہ ممبئی کی جامع مسجد، کرافورڈ مارکیٹ کے قریب، کئی سال سے ایک ہفتہ وار "مسجد آئیے " پروگرام چلا رہی ہے، جسے نورانی مسجد سمیت کئی دیگر مساجد نے اپنا لیا ہے۔ اپنے دوستوں کو یہاں لائیے،امان بھائی نے ہمیں دعوت دی۔ ہم سب ایک ہی مٹی کے بیٹے ہیں۔ ایسی گفتگو زیادہ ہونی چاہیے۔اس سے جھوٹے پروپیگنڈے اور افواہیں بے معنی ہو جائیں گی۔ وہ بار بار یہی بات دہرا رہے تھے،ہم نے بھی یہ سوچنا شروع کر دیا کہ اس تعلق کو کیسے برقرار رکھا جائے۔

جب ہم جانے لگے تو انہوں نے ہمیں ٹھنڈا شربت پیش کیا، جو انتہائی فرحت بخش تھا۔ پھر جب ہم واپس آ رہے تھے، تو ہمارا ایک اور دوست۔ جو پچھلے چار سال سے کبھی ہمارے لیے گھر کا بنا ہوا شیر خورمہ  لانا نہیں بھولا،وہ بھی آ گیا۔ اس کے علاوہ میری صبح کی واک پارٹنر زرینہ نے پہلے ہی مجھے تہوار کے پکوانوں کے لیے مدعو کر رکھا تھا۔ واقعی، جیسا کہ کہا جاتا ہے،جہاں بھی ۔جاؤں، مجھے اپنے بہن بھائی ملتے ہیں!۔ ایک خاص اور دل سے شکریہ وجے مکند تامبے کا، جنہوں نے یہ چھوٹا مگر بامعنی اقدام تجویز کیا۔ دوستو، آپ بھی کچھ ایسا کرنے کی کوشش کریں۔ مسجد کا نام "نورانی" ہے۔ یعنی روشنی، جیسا کہ اس کا مطلب ہے۔ اللہ کرے کہ ہماری زندگی بھی انسانیت کے نور سے منور ہو۔

- مدھا کلکرنی، سمتا ریڈی، بھارتی دیوان، رویندر کیسکر، منیشا کورڈے، منوج پاٹل، اور آشے گونے کے ساتھ