مکہ : خانہ کعبہ، جو مکہ مکرمہ میں واقع ہے، اسلام کا مقدس ترین مقام ہے اور پوری دنیا کے مسلمانوں کے لیے عقیدت و احترام کا مرکز ہے۔ یہ مقدس گھر حضرت ابراہیم علیہ السلام اور ان کے فرزند حضرت اسماعیل علیہ السلام نے اللہ کے حکم سے تعمیر کیا تھا۔ قرآن مجید میں اللہ تعالیٰ نے اسے "پہلا گھر" قرار دیا ہے جو انسانیت کے لیے ہدایت اور برکت کا ذریعہ ہے

خانہ کعبہ کی چھت، جو 145 مربع میٹر پر مشتمل ہے، انتہائی نایاب اور منفرد قسم کے سنگِ مرمر سے تیار کی گئی ہے۔ یہ خاص پتھر اپنی حیرت انگیز خصوصیات کی وجہ سے مشہور ہے، جو دن کے وقت ٹھنڈک کا احساس دلاتا ہے۔مسجد الحرام کی تعمیر و توسیع ہمیشہ سعودی قیادت کی اولین ترجیح رہی ہے، اور اس منصوبے میں جدید ترین وسائل کا استعمال یقینی بنایا جاتا ہے۔

خانہ کعبہ نہ صرف ایک عبادتی مقام ہے بلکہ مسلمانوں کے درمیان اتحاد اور یگانگت کی علامت بھی ہے۔ یہ دنیا بھر کے مسلمانوں کو ایک نقطے پر جمع کرتا ہے، جہاں رنگ، نسل، زبان اور قومیت کی تفریق ختم ہو جاتی ہے اور ہر شخص محض ایک بندۂ مومن کی حیثیت سے اللہ کے حضور کھڑا ہوتا ہے۔

خانہ کعبہ کی چھت، ستون اور دیواروں کی تعمیر منفرد انداز میں کی گئی ہے۔ چھت پر نصب سنگِ مرمر دنیا کے نایاب ترین پتھروں میں شمار ہوتا ہے، جس کی خاصیت یہ ہے کہ یہ رات کے وقت رطوبت کو جذب کر لیتا ہے۔ دن کے وقت، جب سورج کی گرمی بڑھتی ہے، تو یہ پتھر اپنی جذب کردہ رطوبت کو بتدریج خارج کرتا ہے، جس کے نتیجے میں نہ صرف چھت بلکہ کعبے کے اندر کا درجہ حرارت بھی معتدل رہتا ہے۔یہی منفرد تعمیراتی انداز خانہ کعبہ کے زائرین کو ایک پرسکون اور آرام دہ ماحول فراہم کرنے میں معاون ثابت ہوتا ہے۔