علی گڑھ،:ہندوستان میں مسلمانوں کی سب سے بڑی تعلیمی تحریک کے بانی سر سید احمد خان کو اب علی گڑھ مسلم یونیورسٹی کے لیے یاد کیا جاتا ہے جو ملک کی کامیاب ترین یونیورسٹیز میں سے ایک ہے ۔ ہندوستان بلکہ دنیا کے کونے کونے میں اس تعلیمی چمن سے فارغ شخصیات اپنے جوہر دکھا رہی ہیں بلکہ سر سید احمد خان کی تحریک کو فروغ بھی دے رہی ہیں ۰ ایسی ہی ایک پہل کے تحت نیشنل یونیورسٹی آف سنگاپور (این یو ایس) نے باوقار ”سید احمد خاں اے ایم یو میموریل ایوارڈ“ کا آغاز کیا تھا ۔ اس سال  این یو ایس کی طالبہ مس اننیا ماتھر کو دیا گیا ہے۔ یہ ایوارڈ عظیم سماجی مصلح اور علی گڑھ مسلم یونیورسٹی کے بانی سر سید احمد خاں کی یاد میں 2022 ء میں شروع کیا گیا تھا۔ 2022 اور 2023 میں بالترتیب ارچنا ڈی بالا اور کریمی زارا نایاب احمد کو اس ایوارڈ سے نوازا گیا تھا۔