ممبئی/ آواز دی وائس

سلمان خان اور عامر خان 1994 میں ریلیز ہونے والی فلم ’انداز اپنا اپنا‘ میں ایک ساتھ نظر آئے تھے۔ مداح ان دونوں کو دوبارہ ایک ساتھ کام کرتے دیکھنے کے لیے بے چین ہیں۔ ادھر عامر خان کے پروڈکشن ہاؤس نے ایک ٹویٹ کیا ہے جس کے بعد یہ بحث شروع ہو گئی ہے کہ دونوں دوبارہ ایک ساتھ کام کر سکتے ہیں۔

سلمان نے کہا- عامر کو ہاتھ نہیں لگانے دیا۔

عامر خان کے پروڈکشن ہاؤس نے سلمان خان کے 14 سال پرانے ٹویٹ پر ردعمل کا اظہار کیا ہے۔ سلمان نے سال 2010 میں عامر کے لیے ٹویٹ کیا تھا کہ فلم کے بعد میں نے عامر کو  خود کو ہاتھ تک نہیں لگانے دیا۔ اگروہ مجھے گولڈ میں بدل دیتا تو؟ اب اس ٹویٹ پر ردعمل دیتے ہوئے عامر خان پروڈکشن نے لکھا کہ ہم اس کے بارے میں بہت سوچتے ہیں۔

مداحوں نے زبردست ردعمل دیا۔

اس ٹویٹ کو لے کر مداح کافی پرجوش ہو گئے۔ سب اپنے اپنے مطابق قیاس آرائیاں کرنے لگے۔ ایک مداح نے لکھا کہ سلو نے عامر خان پروڈکشن کی فلم سائن کی ہے جسے شاہ رخ نے مسترد کر دیا ہے۔ جب کہ ایک مداح کا کہنا تھا کہ  کاش ہم سلمان، عامر اور شاہ رخ کو ایک فلم میں ایک ساتھ کام کرتے دیکھیں۔

اداکار ’سکندر‘ اور ’ستارے زمین پر‘ میں مصروف

کام کے محاذ پر، جہاں سلمان اس وقت 'سکندر' کی شوٹنگ میں مصروف ہیں، عامر فلم 'ستارے زمین پر' میں مصروف ہیں۔ اس کے علاوہ سلمان جلد ہی 'بگ باس 18' کی شوٹنگ شروع کریں گے اور عامر کچھ اور فلموں کی تیاری میں مصروف ہیں۔