ممبئی/ آواز دی وائس
بزنس ٹائیکون مکیش امبانی کے چھوٹے بیٹے اننت امبانی نے 12 جولائی کو رادھیکا مرچنٹ سے شادی کی۔ شادی بین الاقوامی مہمانوں کی موجودگی، اخراجات اور مہنگے ریٹرن گفٹ کی وجہ سے سرخیوں میں ہے۔ بالی ووڈ اسٹار سلمان خان بھی اس شاندار شادی کا حصہ بنے اور شادی کی بارات میں زبردست رقص کرتے نظر آئے۔ اب اداکار نے ایک جذباتی پوسٹ کرتے ہوئے اننت رادھیکا کو مسٹر اینڈ مسز کہا ہے۔
سلمان نے اننت-رادھیکا کی شادی کی تصویر شیئر کرتے ہوئے اپنے انسٹاگرام اکاؤنٹ پر لکھا کہ اننت اور رادھیکا، مسٹر اور مسز اننت امبانی، میں نے آپ دونوں کی ایک دوسرے کے خاندانوں کے لیے محبت دیکھی ہے۔ ساری کائنات آپ کے ساتھ شامل ہوگئی۔ میں آپ کی خوشی اور صحت کے لیے دعا گو ہوں۔ خدا آپ دونوں کو سلامت رکھے۔ دونوں کے والدین بن جانے کا انتظار ہے ۔
یاد رہے کہ 12 جولائی کو ہونے والی شادی کی پروقار تقریب میں سلمان خان نے باراتی بن کر زبردست رقص کیا۔ شادی کی بارات کے دوران، سلمان خان کو شاہ رخ خان کے ساتھ 1995 کی بلاک بسٹر کرن ارجن کے گانے بھنگڑا پالے پر رقص کرتے دیکھا گیا۔
.png)
