آواز دی وائس
ممتا کلکرنی، جو مہامندلیشور بننے کی خبروں میں ہیں، نے حال ہی میں فلم کرن ارجن سے متعلق ایک کہانی شیئر کی ہے۔ انہوں نے بتایا کہ شوٹنگ کے دوران شاہ رخ اور سلمان ان کا بہت مذاق اڑاتے تھے۔ اس کے علاوہ، ان کی وجہ سے، اداکارہ کو زیادہ کام کرنا پڑا۔ ایک بار تو سلمان نے منہ پر دروازہ بند بھی کر لیا تھا۔
حال ہی میں آپ کی عدالت میں نظر آنے والی ممتا کلکرنی سے پوچھا گیا کہ کیا انہوں نے کرن ارجن کے سیٹ پر سلمان اور شاہ رخ کو ڈانٹا تھا؟ اس پر اداکارہ نے کہا کہ کیا شاہ رخ نے یہ کہا؟ اسنہوں نے مزید کہا کہ میں آپ کو بتاؤں گی کہ اس دن کیا ہوا تھا۔ چنی پرکاش اس فلم کے ڈانس کوریوگرافر تھے۔ اس دن شاہ رخ اور سلمان شوٹنگ کے لیے گئے تھے اور میں اکیلی بیٹھی تھی۔ تقریباً ڈیڑھ گھنٹے کے بعد چینی پرکاش کا اسسٹنٹ میرے پاس آیا۔ اس نے کہا کہ ماسٹر جی آپ کو بلا رہے ہیں۔ میں سیڑھیوں سے اوپر جا رہی تھی اور سلمان اور شاہ رخ نیچے آ رہے تھے۔ وہ دونوں میرے پاس سے گزرتے ہوئے مجھے دیکھ کر ہنس رہے تھے۔
اداکارہ نے مزید کہا کہ میں خاموش رہی۔ میں بالکل خاموش ری اور سنجیدہ رہی۔ رات کے 8 بج رہے تھے۔ میں نے جا کر ماسٹر جی سے پوچھا کہ کیا معاملہ ہے، انہوں نے کہا، ممتا، اب تم یہ اسٹیپس اکیلے کرو گی۔ میں نے اس سے پوچھا کہ کیا بات کر رہے ہو؟ اگلی صبح پہلا شاٹ میرا تھا۔ تین کیمرے نصب تھے اور پہلا شاٹ ٹھیک تھا۔ میں نے دیکھا کہ شاہ رخ اور سلمان دونوں جھاڑیوں کے پیچھے چھپ کر مجھے دیکھ رہے ہیں۔ اگلا شاٹ ان دونوں کا تھا۔ انہیں گھٹنوں کے بل بیٹھ کر ناچنا تھا۔ کچھ گر رہے تھے، کچھ اوپر جا رہے تھے، کچھ نیچے جا رہے تھے۔ 5 ہزار لوگوں کا ہجوم تھا۔ ایک کے بعد ایک ری ٹیک ہو رہے تھے اور خوب شور شرابا اور چیخ و پکار ہو رہی تھی۔
ممتا نے مزید کہا، 25 ری ٹیک ہوئے اور راکیش روشن نے چیخ کر کہا کہ پیک اپ۔ سب اپنے اپنے کمروں کی طرف بھاگے۔ میں نے سوچا کہ چونکہ گزشتہ روز ان لوگوں نے مجھے بے وقوف بنایا تھا اس لیے آج میں ان کو نہیں چھوڑوں گی۔ سارے ٹیکس مجھ پر تھے۔ وہ دونوں بھاگ کر کمرے میں آگئے، میں نے اپنا سامان سپاٹ بوائے کو دیا اور کہا کہ میں جا رہی ہوں۔ جیسے ہی میں اوپر آئی، سلمان نے میری طرف دیکھا، مسکرایا اور پھر میرے چہرے پر دروازہ بند کر لیا۔
فلم کرن ارجن 1995 میں ریلیز ہونے والی سپر ہٹ فلم تھی، جس کے ہدایت کار راکیش روشن تھے۔ فلم میں شاہ رخ خان، سلمان خان، کاجول اور ممتا کلکرنی نے اہم کردار ادا کیے تھے۔
