ساحل خان پھر قانونی چنگل میں پھنس گئے

Story by  ایم فریدی | Posted by  [email protected] | 2 Years ago
ایک نیا تنازعہ
ایک نیا تنازعہ

 

 

ممبئی:بالی ووڈ کے اداکار ساحل خان کو قانونی مشکلات کا سامنا ہے اس کی وجہ یہ ہے کہ انکا نام ماڈل اور باڈی بلڈر منوج پاٹل کے اقدام خودکشی کے معاملے میں سامنے آیا ہے۔

ممبئی پولیس نے اس حوالے سے تصدیق کرتے ہوئے کہا ہے کہ ساحل خان اور تین دیگر افراد کے خلاف منوج پاٹل کی خودکشی کی کوشش پر کیس درج کرلیا گیا ہے۔

اس سے قبل منوج پاٹل کے خاندان نے انکشاف کیا تھا کہ منوج نے ساحل خان کے خلاف اوشی واڑا پولیس اسٹیشن میں مقدمہ درج کرایا تھا، جس میں کہا گیا کہ انہیں ساحل خان نے ہراساں کیا تھا۔ واضح رہے کہ منوج پاٹل نے اپنی زندگی کا خاتمہ کرنے کے لیے جمعرات کی صبح سویرے اپنی رہائش گاہ بڑے پیمانے پر نیند کی گولیاں کھالی تھیں، تاہم انہیں فوری طورپر اسپتال پہنچایا گیا جہاں اب ان کا علاج جاری ہے۔