ممبئی/ آواز دی وائس

شاہ رخ خان کے بیٹے آریان خان جلد ہی او ٹی ٹی پر ہدایت کاری میں ڈیبیو کرنے جا رہے ہیں۔ ان کی سیریز 2025 میں نیٹ فلکس پر آنے والی ہے اور اس کا اعلان نیٹ فلکس کے آفیشل انسٹاگرام ہینڈل پر کیا گیا ہے۔ حیران کن بات یہ ہے کہ اس خبر کے سامنے آنے کے بعد اسٹار کڈز کو نشانہ بنانے والی کنگنا رناوت نے آریان خان کی تعریف کی ہے۔

نیٹ فلکس نے انسٹاگرام پر ایک پوسٹ شیئر کی، جس میں لکھا ہے  کہ نیٹ فلکس پر بالی ووڈ کا ایسا نظارہ کبھی نہیں دیکھا! آریان خان کی ہدایت کاری میں پہلی بار ایک بالکل نئی سیریز پیش کر رہے ہیں، جلد آرہا ہے۔ نیٹ فلکس کی جانب سے شیئر کیے گئے پوسٹر میں لکھا گیا ہے کہ اس 2025 میں، نیٹ فلکس اور ریڈ چیلیزپہلی بار بالی ووڈ سیریز کے لیے ایک ساتھ آ رہے ہیں۔ جسے گوری خان نے پروڈیوس کیا ہے اور آریان خان نے لکھا اور تخلیق کیا ہے۔

کنگنا رناوت نے تعریف کی۔

اس خبر کے منظر عام پر آنے کے بعد کنگنا رناوت نے اپنی انسٹاگرام اسٹوری شیئر کی ہے۔ جس میں انہوں نے آریان خان کی تعریف کرتے ہوئے کہا ہے کہ انہوں نے دوسرے اسٹار بچوں کی طرح اداکاری کا انتخاب نہیں کیا ہے بلکہ وہ کچھ مختلف کر رہے ہیں۔ کنگنا نے پوسٹ میں لکھا کہ یہ اچھی بات ہے کہ فلمی خاندان کے بچے اب کچھ نیا کرنے کے لیے تیار ہیں۔ اب وہ میک اپ کرنے اور وزن کم کرنے کے بعد یہ نہیں سوچتے کہ وہ اداکار ہیں۔ ہمیں مل کر ہندوستانی سنیما کو آگے لے جانا چاہئے، ہمیں کیمرے کے پیچھے مزید لوگوں کی ضرورت ہے۔

کنگنا نے مزید لکھا کہ یہ اچھی بات ہے کہ آریان خان نے اداکاری کے بجائے ڈائریکشن کا انتخاب کیا۔ وہ بطور فلمساز اور مصنف بالی ووڈ میں قدم رکھنے کے لیے تیار ہیں۔ ریڈ چلیز اور نیٹ فلکس 2025 میں ایک مختلف قسم کی بالی ووڈ سیریز لا رہے ہیں۔