خط میں لکھا گیا ہے کہ ہم واقعی امید کرتے ہیں کہ بنگلہ دیش کی حکومت تمام فرقہ وارانہ عناصر پر سختی سے کارروائی کرے  گی اور اپنی ہندو آبادی کے ساتھ ساتھ دیگر اقلیتوں کے لیے مکمل تحفظ کو یقینی بنائے گی۔ ہم اس  کی سخت مذمت کرتے ہیں۔ خط میں مزید کہا گیا ہے کہ  یہ بزدلی کا عمل ہے جو اسلام کو منفی روشنی میں پیش کرتا ہے، جو اقلیتوں کے تحفظ کی اہمیت پر زور دیتا ہے۔ اقلیتوں کے ساتھ سلوک جمہوریت کا ایک اہم امتحان ہے۔اقلیتوں کو تمام معاشروں میں تحفظ فراہم کیا جانا چاہیے چاہے وہ کسی بھی رنگ و نسل سے ہوں۔ خط میں حالات لا ذکر کرتے ہوئے کہا گیا ہے کہ سب سے زیادہ تکلیف دہ بات یہ ہے کہ کوئی وکیل اپنے ہم مذہبوں کی طرف سے انتقامی کارروائیوں کے خوف سے متاثرہ کا دفاع کرنے کے لیے تیار نہیں ہے۔

خط میں جنوبی ایشیا کے لیے وسیع تر اثرات کے حوالے سے خبردار کیا گیا ہے کہ اگر موجودہ حکومت اس افسوسناک صورتحال کو کنٹرول نہ کر سکی تو یہ ایسے اعمال کے لیے خاموش حمایت کی عکاسی کرے گا۔ خطے کو اس پریشان کن رجحان پر اجتماعی طور پر غور کرنا ہوگا اور اقوام متحدہ کے اقلیتوں کے حقوق سے متعلق چارٹر کی پاسداری کرنی ہوگی۔۔ ہمیں انسانی حقوق کی اس خلاف ورزی اور اقلیتوں کے مفادات کے تحفظ کے اقوام متحدہ کے چارٹر کی مذمت کرنی چاہیے۔ ہم اقلیتوں کے ساتھ اس ناروا سلوک کی شدید مذمت کرتے ہیں اور بنگلہ دیشی حکام سے فوری اور اصلاحی اقدامات کرنے کی اپیل کرتے ہیں۔