انہوں نے بیان میں کہا کہ ان حالات کے سبب اقلیتوں کے درمیان بڑھتا ہوا عدم تحفظ سنگین علاقائی چیلنجز کا باعث بنتا ہے، جس کے ممکنہ اثرات ہندوستان، پاکستان، افغانستان اور نیپال میں پڑ سکتے ہیں۔ بنگلہ دیش کی عبوری حکومت کی ذمہ داری ہے کہ وہ امن کی بحالی، فرقہ وارانہ فسادات کو روکنے اور تمام برادریوں کے تحفظ اور حقوق کو یقینی بنانے کے لیے فعال اقدامات کرے۔

 

انہوں نے مزید کہا کہ اسٹیک ہولڈرز کو تحمل کا مظاہرہ کرنا چاہیے اور ایسے اقدامات سے گریز کرنا چاہیے جو کشیدگی کو بڑھاتے ہیں۔ بھارت سمیت عالمی برادری کو ان مسائل کو حل کرنے کے لیے سفارتی حمایت اور تعمیری بات چیت کی حوصلہ افزائی کرنی چاہیے۔ خطے میں استحکام کو یقینی بنانے کے لیے اقلیتی برادریوں کا تحفظ اور ہم آہنگی کو فروغ دینا بہت ضروری ہے۔