نئی دہل: وزیر دفاع راج ناتھ سنگھ نے مسلح افواج کے ہیڈکوارٹر سول سروسز کے اہلکاروں سے مطالبہ کیا ہے کہ وہ تیزی سے بدلتے ہوئے وقت میں موثر پالیسی سازی اور وزارت دفاع میں اصلاحات کے نفاذ کے لیے اپنی صلاحیتوں کو اپ گریڈ کریں وہ جمعرات کو یہاں 83ویں مسلح افواج سول سروسز ڈے کی تقریب سے خطاب کر رہے تھے سول سروسز کو گورننس کا 'اسٹیل فریم' قرار دیتے ہوئے وزیر دفاع نے خود انحصاری حاصل کرنے کی کوششوں اور فوجیوں کی فلاح و بہبود میں شراکت سمیت مختلف کاموں کو انجام دینے میں ملازمین کی لگن اور محنت کی تعریف کی۔ انہوں نے کہا کہ آپ مسلح افواج اور باقی سویلین حکومت کے درمیان ایک اہم کڑی ہیں۔ بہتر کارکردگی کے لیے اپنی صلاحیتوں کو مزید مضبوط کرنے کی ضرورت ہے۔

مسٹر سنگھ نے کہاکہ 'گزشتہ پانچ سالوں کے دوران وزارت دفاع میں بے مثال اصلاحات کی گئی ہیں اور مختلف شعبوں میں اہم پیش رفت ہوئی ہے۔ ہماری کامیابیوں کو عالمی سطح پر تسلیم کیا گیا ہے۔ یہ ٹیم ورک کی وجہ سے ممکن ہوا ہے۔ بہتر نتائج کے لیے مسلح افواج اور سول سروسز کو کمانڈ ہیڈ کوارٹر اور سروس ہیڈ کوارٹرز سے لے کر وزارت کی سطح تک مل کر کام کرنا چاہیے۔ "وزارت دفاع میں اہم کرداروں میں سول سروس کے افسران کی شمولیت سے فیصلوں کے معیار میں بہتری آئے گی۔"

وزیر دفاع نے محکمہ دفاع پر زور دیا کہ وہ سول سروس کے اہلکاروں کے کیریئر میں بہتر ترقی کے امکانات تلاش کرے۔ انہوں نے کہا کہ جیسے جیسے ان کی صلاحیتیں بڑھیں گی، ان کے کیریئر میں بہتری آئے گی اور یہ اہلکار ہمارے دفاعی نظام کو مضبوط بناتے ہوئے مسلح افواج کو بہتر مدد فراہم کر سکیں گے۔ "کیرئیر کی بہتر ترقی کو یقینی بنانا بہترین ٹیلنٹ کو سویلین سروس کی طرف راغب کرے گا