نئی دہلی/ آواز دی وائس
دہلی میٹرو ریل کارپوریشن نے پرم ویر چکر حاصل کرنے والے تمام بہادر سپاہیوں اور شہداء کو ایک منفرد انداز میں خراج عقیدت پیش کیا ہے۔ ڈی ایم آر سی نے پنک لائن پر واقع سر ایم. وشویشوریا موتی باغ میٹرو اسٹیشن پر ان بہادر جنگجوؤں کے جیتے جاگتے پورٹریٹ کے ساتھ ایک دیوار بنائی ہے۔ یہ دیوار مسافروں کو اپنے ملک کے سپاہیوں پر فخر کا احساس دلاتی ہے اور اسٹیشن پر آنے جانے والوں کی خاص توجہ حاصل کر رہی ہے۔ دہلی میٹرو کی یہ پہل مسافروں میں حب الوطنی کے جذبے کو فروغ دینے کے لیے کی گئی ہے۔
دہلی میٹرو اس سے پہلے بھی سپاہیوں کی بہادری اور قربانی کو عزت دینے کے لیے ایسی کئی پہل کر چکی ہے۔ راجوری گارڈن میٹرو اسٹیشن کے ایگزٹ گیٹ پر پرم ویر چکر حاصل کرنے والے سپاہیوں کے ناموں کی دیوار بھی مسافروں کو متاثر کرتی ہے۔
دہلی میٹرو کے کئی اسٹیشنز شہداء کے نام پر رکھے گئے ہیں، جن میں میجر موہت شرما راجندر نگر اسٹیشن، ارجن گڑھ اور بریگیڈیئر ہوشیار سنگھ اسٹیشن شامل ہیں۔ یہ منفرد پہل اُن تمام سپاہیوں کے نام وقف ہے جنہوں نے ملک کی حفاظت کے لیے اپنی جان تک قربان کر دی۔
پرم ویر چکر کس کو ملتا ہے؟
پرم ویر چکر ہندوستان کا سب سے اعلیٰ فوجی اعزاز ہے، جو دشمن کا ڈٹ کر سامنا کرتے ہوئے اپنی جان کی پرواہ کیے بغیر بہادری، قربانی اور شجاعت دکھانے والے سپاہیوں کو دیا جاتا ہے۔ اس کا آغاز 1950 میں ہوا تھا۔ پرم ویر چکر کو ہندوستان رتن کے بعد ملک کا سب سے باوقار ایوارڈ مانا جاتا ہے۔ اب تک یہ اعزاز 21 مرتبہ دیا گیا ہے، جن میں سے 7 سپاہیوں کو زندگی میں اور 14 کو بعد از مرگ نوازا گیا۔
جنہیں پرم ویر چکر ملا ہے
میجر سومناتھ شرما
لانس نائیک کرم سنگھ
سیکنڈ لیفٹیننٹ رام راگھوبا رانے
نائیک یدوناتھ سنگھ
کمپنی حولدار میجر پیرو سنگھ
کیپٹن گربچن سنگھ سالاریا
میجر دھن سنگھ تھاپا
صوبیدار جوگندر سنگھ
میجر شیطان سنگھ
کمپنی کوارٹر ماسٹر حولدار عبد الحمید
لیفٹیننٹ کرنل اردشیر تاراپور
لانس نائیک البرٹ ایکا
فلائنگ آفیسر نرمل جیت سنگھ سیکھوں
لیفٹیننٹ ارون کھیترپال
میجر ہوشیار سنگھ
نائب صوبیدار بانا سنگھ
میجر راماسوامی پرمیشورن
لیفٹیننٹ منوج کمار پانڈے
گرینیڈیئر یوگندر سنگھ یادو
رائفل مین سنجے کمار
کیپٹن وکرم بترا
