نئی دہلی : مغربی بنگال کی وزیر اعلیٰ ممتا بنرجی نے آج دہلی کے وزیر اعلی اروند کیجریوال کی اہلیہ سنیتا کیجریوال سے ملاقات کی ہے۔ اس کے علاوہ انہوں نے اروند کیجریوال کے والدین سے بھی ملاقات کی۔ اس دوران سی ایم ممتا بنرجی نے اروند کیجریوال کے والدین کے پاؤں چھوئے اور آشیرواد لیا۔ اس دوران عام آدمی پارٹی کے راجیہ سبھا ایم پی راگھو چڈھا بھی موجود تھے۔
اس میٹنگ کے بعد عام آدمی پارٹی کی طرف سے پارٹی کے ایکس ہینڈل پر ایک پوسٹ کیا گیا تھا۔ اس میں ممتا بنرجی اور سنیتا کیجریوال کی ملاقات پر عام آدمی پارٹی نے کہا کہ ہندوستان ڈکٹیٹر کی مخالفت میں متحد ہے۔
#WATCH | AAP MP Raghav Chadha says, "West Bengal CM Mamata Banerjee visited the residence of CM Arvind Kejriwal to meet his wife and parents...She was concerned about the health of Arvind Kejriwal...She gave the message that in this hour of struggle, she stands with AAP and… https://t.co/5KeOseCtld pic.twitter.com/HVOLbeayXL
— ANI (@ANI) July 26, 2024
آپ کو بتا دیں کہ ممتا بنرجی مرکزی تفتیشی ایجنسیوں کے غلط استعمال کا الزام لگاتے ہوئے بی جے پی پر حملہ کرتی رہی ہیں۔ دہلی کے وزیر اعلی اروند کیجریوال اور بنگال کی وزیر اعلیٰ ممتا بنرجی کئی مواقع پر ایک دوسرے کے حق میں بولتے رہے ہیں۔
ایم پی راگھو چڈھا کا کہنا ہے، مغربی بنگال کی وزیر اعلیٰ ممتا بنرجی کیجریوال کی اہلیہ اور والدین سے ملنے کے لیے وزیر اعلیٰ اروند کیجریوال کی رہائش گاہ پر گئیں۔وہ اروند کیجریوال کی صحت کے بارے میں فکر مند تھیں۔انہوں نے یہ پیغام دیا کہ جدوجہد کی اس گھڑی میں وہ آپ اور اروند کیجریوال کے ساتھ کھڑی ہیں۔