آواز دی وائس
دہلی سے متصل گریٹر نوئیڈا میں ایک پراپرٹی ڈیلر کے قتل کا معاملہ سامنے آیا ہے۔ بتایا جاتا ہے کہ پراپرٹی ڈیلر کو اپنی ہی فارچیونر کار میں زندہ جلا دیا گیا۔ مقتول کے دوستوں پر قتل کا شبہ ہے۔ پولیس نے معاملے میں کارروائی کرتے ہوئے دو افراد کو حراست میں لے لیا ہے۔
جھاڑیوں میں جلتی ہوئی کار ملی
معلومات کے مطابق، گریٹر نوئیڈا کے دادری تھانہ علاقے میں ناگلا نین سکھ کے کوٹ پل گاؤں کے قریب فارچیونر کار میں آگ لگنے سے ایک نوجوان کی موت کا معاملہ سامنے آیا ہے۔ تاہم جب گاڑی میں آگ لگی تو وہ مین روڈ سے 100 میٹر دور جھاڑیوں میں تھی۔ ایسے میں قتل کا شبہ مزید گہرا ہوگیا۔ گاڑی میں آگ لگنے کے بعد پولیس اور مقامی لوگوں نے گاڑی کے اندر بیٹھے نوجوان کو بچانے کی بہت کوشش کی لیکن اسے بچایا نہ جا سکا۔
متوفی غازی آباد کے نہرو نگر کا رہنے والا ہے۔
پولیس کے مطابق کار کے رجسٹریشن نمبر کی بنیاد پر متوفی کی شناخت سنجے یادو ساکن نہرو نگر، غازی آباد کے طور پر کی گئی ہے۔ فی الحال پولیس اور فائر بریگیڈ کی ٹیمیں موقع پر پہنچ گئی ہیں اور معاملے کی تحقیقات میں مصروف ہیں۔
پولیس پورے معاملے کی جانچ قتل کے زاویے سے کر رہی ہے۔ پولیس کے مطابق پہلے نوجوان کو قتل کیا گیا اور بعد میں گاڑی کو آگ لگا دی گئی تاکہ اس پورے واقعے کو حادثہ کا روپ دیا جاسکے۔
زیورات کے تنازع پر قتل کا خدشہ
واقعے کے بعد موقع پر پہنچی فرانزک ٹیم جائے وقوعہ کا جائزہ لے رہی ہے۔ سنجے یادو کے گھر والوں نے بتایا کہ وہ غازی آباد سے جائے وقوعہ پر جانے کے لیے نکلے تھے۔
ابتدائی تفتیش کی بنیاد پر پولیس نے دو مشتبہ افراد کو حراست میں لے کر ان سے پوچھ گچھ شروع کر دی ہے۔ معلوم ہوا ہے کہ زیورات کے لین دین کو لے کر جھگڑا ہوا تھا جس کی وجہ سے سنجے کے قتل کا خدشہ ہے۔
.png)
