زیبا نسیم ۔ممبئی

ڈاکٹر اے پی جے عبدالکلام،کو ملک اور دنیا ان کی برسی پر یاد کیا جارہا ہے۔ ایک سادہ طبعیت اور خاکسار انسان کلام صاحب آج دنیا میں نہیں ہیں لیکن ان کی شخصیت کا جادو اب بھی برقرار ہے۔ عزت و احترام جو کلام صاحب کے حصے میں آیا وہ کسی اور کے لیے ایک خواب ہی رہے گا ۔ کیا بزرگ ،کیا جوان اور کیا بچے  ہر کسی کے دلوںمیں راج کرگئے کلام صاحب ۔ یاد رہے کہ وہ  ہندوستان کے میزائل مین کے طور پر مشہور ہوئے، ایک ممتاز سائنسدان، استاد، اور ہندوستان کے 11 ویں صدر تھے۔ 1932 میں رامیشورم، تمل نادو میں پیدا ہوئے تھے، انہوں نے دفاعی تحقیق اور ہندوستانی  خلاہی تحقیقاتی تنظیم(اسرو) میں اہم کردار ادا کیا، اور اگنی اور پرتھوی جیسے جدید میزائل تیار کیے۔ ان کے قیادت میں ہندوستان نے 1998 میں جوہری ہتھیاروں کا تجربہ کیا، جس نے ملک کی دفاعی طاقت کو مضبوط کیا۔ 2002 سے 2007 تک صدر کے طور پر خدمات انجام دینے کے بعد، انہیں "عوامی صدر" کے لقب سے نوازا گیا۔ انہیں پدم بھوشن اور بھارت رتن جیسے بڑے اعزازات ملے۔ 27 جولائی 2015 کو ان کا انتقال ہوا، لیکن ان کی میراث اور تعلیمات آج بھی قوم کے لیے تحریک کا باعث ہیں۔ ڈاکٹر عبدالکلام کا تعلق تامل ناڈو کے ایک متوسط خاندان سے تھا۔ ان کے والد ماہی گیروں کو اپنی کشتی کرائے پر دیا کرتے تھے۔ اگرچہ وہ غیر تعلیم یافتہ  تھے، لیکن عبدالکلام کی زندگی پر ان کے والد کے گہرے اثرات ہیں۔ ان کے دیے ہوئے عملی زندگی کے سبق عبدالکلام کے بہت کام آئے۔ غربت کا یہ عالم تھا کہ ابتدائی تعلیم کے دوران بھی عبدالکلام اپنے علاقے میں اخبار تقسیم کیا کرتے تھے ۔

زبردست جدوجہد اور محنت کے ساتھ  مدراس انسٹیٹیوٹ آف ٹیکنالوجی سے خلائی سائنس میں گریجویشن کی۔ اور اس کے بعد اس کرافٹ منصوبے پر کام کرنے والے دفاعی تحقیقاتی ادارے کو جوائن کیا جہاں ہندوستان کے پہلے سیٹلائٹ طیارے پر کام ہو رہا تھا۔ اس سیارچہ کی لانچنگ میں ڈاکٹر عبدالکلام کی خدمات سنہری حروف سے لکھنے کے قابل ہیں۔ اس کے علاوہ پروجیکٹ ڈائریکٹر کے طور پر انہوں نے پہلے سیٹلائٹ جہاز ایسیلوا کی لانچنگ میں بھی اہم کردار ادا کیاسیاسی زندگی 15 اکتوبر 1931ء کو پیدا ہونے والے ڈاکٹر عبدالکلام نے 1974ء میں ہندوستان کا پہلا ایٹم بم تجربہ کیا تھا جس کے باعث انہیں ’میزائل مین‘ بھی کہا جا تا ہے۔ بھارت کے گیارہویں صدر کے انتخاب میں انھوں نے 89 فیصد ووٹ لے کر اپنی واحد حریف لکشمی سہگل کو شکست دی ہے۔ عبدالکلام کے بھارتی صدر منتخب ہونے کے بارے میں کسی کو کوئی شبہ نہیں تھا ، ووٹنگ محض ایک رسمی کارروائی تھی۔ عبدالکلام ہندوستان کے تیسرے مسلمان صدرتھے۔انھیں ملک کے مرکزی اور ریاستی انتخابی حلقوں کے تقریباً پانچ ہزار اراکین نے منتخب کیا۔

ا ن کی زندگی کے کچھ اہم پہلووں پر ڈالیں ایک نظر

ابتدائی زندگی

 نام۔ابو الفقر زین العابدین عبد الکلام

تاریخ پیدائش۔ 15 اکتوبر 1931

جگہ پیدائش۔رامیشورم، تمل نادو، برطانوی ہندوستان

والدین۔ زین العابدین (والد) اور اشیمہ (والدہ)

 خاندانی پس منظر

عبدالکلام کا خاندان مچھیرے کا تھا، اور ان کی مالی حالت شروع سے ہی خستہ تھی۔ عبدالکلام کی ابتدائی زندگی غربت اور مالی مشکلات میں گزری۔ ان کے والد ماہی گیروں کو کشتیاں کرائے پر دے کر خاندان کا پیٹ پالتے تھے، جبکہ عبدالکلام نے اپنے بچپن میں ہی مشکلات کا سامنا کیا۔ ان کی تین بڑی بہنیں اور ایک بڑا بھائی تھا۔ گھر کی مالی حالت کو بہتر بنانے کے لیے عبدالکلام نے اسکول کی فیس ادا کرنے کے لیے اخبار بیچنے جیسے محنتی کام کیے۔

تعلیمی پس منظر

عبدالکلام نے ابتدائی تعلیم رامناتھ پورم شوارٹز میٹرک اسکول سے حاصل کی اور 1950 میں سینٹ جوزف کالج، تروچیراپلی سے فزکس میں گریجویشن کیا۔ اس کے بعد، مدراس انسٹی ٹیوٹ آف ٹیکنالوجی سے ایروناٹیکل انجینئرنگ میں ڈپلومہ حاصل کیا۔

عبدالکلام نے کئی مشہور کتابیں لکھیں جن میں شامل ہیں

انڈیا 2020: اے ویژن فار دی نیو ملینیم

وِنگ آف فائر: ایک خود نوشت

ایگنائٹڈ مائنڈز

ناقابل تسخیر روح

مشن انڈیا

ایڈوانٹیج انڈیا

آپ کھلنے کے لیے پیدا ہوئے ہیں

متاثر کن خیالات

میرا سفر

اعزازات

عبدالکلام کو ان کی خدمات کے اعتراف میں کئی بڑے اعزازات ملے جن میں شامل ہیں

بھارت رتن (1997)

پدم بھوشن (1990)

پدم شری (1981)

اندرا گاندھی ایوارڈ

ویر ساورکر ایوارڈ

رامانوجن ایوارڈ

سال2015 میں اقوام متحدہ کی جانب سے "عالمی یوم طلبہ" کے طور پر ان کی یوم پیدائش

ڈاکٹر اے پی جے عبدالکلام، جنہیں ہندوستان کا "میزائل مین" کہا جاتا ہے، ایک عظیم سائنسدان، ایک معزز صدر، اور ایک متحرک تعلیم دہندہ تھے۔ ان کی زندگی اور کام نے نہ صرف ہندوستان بلکہ دنیا بھر کے لوگوں کو متاثر کیا۔ ان کی سوانح عمری میں شامل اہم نکات درج ذیل ہیں

سائنسی کیریئر

عبدالکلام نے اپنی پیشہ ورانہ زندگی کا آغاز ڈیفنس ریسرچ اینڈ ڈیولپمنٹ آرگنائزیشن(ڈی آر ڈی او) سے کیا۔ وہ بعد میں انڈین اسپیس ریسرچ آرگنائزیشن (اسرو) میں شامل ہوئے، جہاں انہوں نے مقامی سیٹلائٹ لانچ وہیکل ایس ایل وی-3 کی کامیابی سے لانچنگ کی۔ عبدالکلام نے 'اگنی' اور 'پرتھوی' جیسے میزائل تیار کیے، اور وہ انڈین سیٹلائٹ لانچ وہیکل پروجیکٹ کے ڈائریکٹر کے طور پر بھی کام کر چکے ہیں۔ عبدالکلام نے دیسی گائیڈڈ میزائلوں کی ڈیزائننگ کی اور 'اگنی' اور 'پرتھوی' جیسے میزائل تیار کیے۔ ان کی رہنمائی میں، ہندوستان نے کئی جدید میزائل تیار کیے اور ملک کو ٹیکنالوجی میں خود کفیل بنانے میں اہم کردار ادا کیا۔ عبدالکلام نے 1992 سے 1999 تک ہندوستان کے وزیر دفاع کے دفاعی مشیر کے طور پر کام کیا، اور ان کی نگرانی میں راجستھان کے پوکھران میں کامیاب ایٹمی تجربہ کیا گیا، جس سے ہندوستان ایٹمی طاقت کے حامل ممالک میں شامل ہوا۔

وزیر دفاع اور صدر کے عہدے

عبدالکلام 1992 سے 1999 تک وزیر دفاع کے دفاعی مشیر کے طور پر کام کرتے رہے، جہاں ان کی نگرانی میں ہندوستان نے دوسرا ایٹمی تجربہ کیا۔ 2002 میں، انہوں نے ہندوستان کے گیارہویں صدر کے طور پر حلف اٹھایا اور اپنے مدت صدارت میں عوام کی پسندیدہ شخصیت بن گئے۔

آخری سانس تک 

عبدالکلام، جنہوں نے ہندوستان کو ایٹمی طاقت بنانے میں اہم کردار ادا کیا، ہمیشہ طلبہ کے ساتھ وقت گزارنے کو پسند کرتے تھے۔ 25 جولائی 2015 کو، عبدالکلام انڈین انسٹی ٹیوٹ آف مینجمنٹ، شیلانگ میں ایک لیکچر کے دوران اچانک بیمار ہو گئے۔ انہیں فوری طور پر شیلانگ کے اسپتال میں داخل کرایا گیا، لیکن ان کی حالت میں کوئی بہتری نہ آئی اور انہوں نے اسی دن آخری سانس لی۔ عبدالکلام کی آخری رسومات ان کے آبائی گاؤں رامیشور میں ادا کی گئیں، جہاں لاکھوں لوگ اپنے پسندیدہ رہنما کی آخری جھلک دیکھنے کے لیے جمع ہوئے۔ ڈاکٹر اے پی جے عبدالکلام کی زندگی اور ان کی جدوجہد ہر شخص کو آگے بڑھنے کی ترغیب دیتی ہے۔ ان کی یادیں اور ان کے خیالات آج بھی ہر ہندوستانی کے دل میں زندہ ہیں اور ان کے کردار کی روشنی ہمیشہ راہنمائی کرتی رہے گی۔