آکلینڈ: پاکستان اور نیوزی لینڈ کے درمیان جاری پانچ میچوں کی ٹی ٹوئنٹی انٹرنیشنل سیریز کا تیسرا میچ جمعہ  کو آکلینڈ میں کھیلا گیا۔ جہاں پاکستانی ٹیم حسن نواز کی دھماکہ خیز بلے بازی کی بدولت 24 گیندیں باقی رہ کر نو وکٹوں سے جیتنے میں کامیاب ہو گئی۔ مخالف ٹیم نیوزی لینڈ کی جانب سے دیے گئے 205 رنز کے ہدف کے تعاقب میں حسن نواز نے مجموعی طور پر 45 گیندوں کا سامنا کیا۔ اس دوران وہ 233.33 کے اسٹرائیک ریٹ سے ناقابل شکست 105 رنز بنانے میں کامیاب رہے۔ اس دوران ان کے بلے سے 10 چوکے اور سات خوبصورت چھکے لگے۔

تیسرے ٹی ٹوئنٹی میچ میں حسن نواز کے علاوہ پاکستانی کپتان سلمان آغا نے بھی شاندار کارکردگی کا مظاہرہ کیا۔ تیسرے نمبر پر بیٹنگ کرتے ہوئے انہوں نے مجموعی طور پر 31 گیندوں کا سامنا کیا۔ اس دوران وہ 164.52 کے اسٹرائیک ریٹ سے ناقابل شکست 51 رنز بنانے میں کامیاب رہے۔ اس دوران ان کے بلے سے چھ چوکے اور دو چھکے لگے۔ ان دو بلے بازوں کے علاوہ نواز کے ساتھی اوپنر محمد حارث نے 20 گیندوں پر 41 رنز بنائے۔

حسن نواز نے بابر اعظم کا ریکارڈ توڑ دیا

میچ کے دوران حسن نواز نے صرف 44 گیندوں پر سنچری اسکور کی۔ اس کے ساتھ وہ ٹی ٹوئنٹی انٹرنیشنل کرکٹ میں تیز ترین سنچری بنانے والے پاکستان کے پہلے بلے باز بھی بن گئے ہیں۔ 22 سالہ بلے باز سے قبل یہ خاص کارنامہ بابر اعظم کے نام درج تھا۔ جنہوں نے جنوبی افریقہ کے خلاف ٹی ٹوئنٹی انٹرنیشنل کرکٹ میں 49 گیندوں پر سنچری بنائی۔ لیکن اب نواز نے انہیں پیچھے چھوڑ کر یہ عظیم کارنامہ انجام دیا ہے۔

نیوزی لینڈ 204 رنز بنا سکی

اس سے قبل آکلینڈ میں ٹاس ہار کر پہلے بیٹنگ کرتے ہوئے نیوزی لینڈ نے 19.5 اوورز میں اپنی تمام وکٹیں گنوا کر 204 رنز بنائے۔ ٹیم کی جانب سے سب سے زیادہ رنز بنانے والے بلے باز 30 سالہ مارک چیپ مین رہے۔ تیسرے نمبر پر بیٹنگ کرتے ہوئے انہوں نے مجموعی طور پر 44 گیندوں کا سامنا کیا۔ اس دوران وہ 213.64 کے اسٹرائیک ریٹ سے 94 رنز بنانے میں کامیاب رہے۔ اس دوران ان کے بلے سے 11 چوکے اور چار شاندار چھکے لگے۔ حارث رؤف کامیاب ترین باؤلر رہے۔ تیسرے ٹی ٹوئنٹی میچ میں پاکستان کی جانب سے حارث رؤف سب سے کامیاب بولر رہے۔ جنہوں نے مجموعی طور پر چار اوورز کرائے اور تین کامیابیاں حاصل کیں۔ ان کے علاوہ شاہین آفریدی، ابرار احمد اور عباس آفریدی نے دو دو جبکہ شاداب خان نے ایک وکٹ حاصل کی