نئی دہلی: اب اولمپکس گیمز کی تیاریاں شروع ہو چکی ہیں اور پیرس میں دنیا کا سب سے بڑا کھیلوں کا اجتماع ہوگا جس کے لیے ہندوستان اپنی تیاری مکمل کر چکا ہے- پیرس اولمپکس 2024ء کے لیے انڈین اولمپک ایسوسی ایشن نے اپنے ایتھلیٹس اور آفیشلز کی تصدیق کر دی۔
اس بار اولمپک دستہ 117 ایتھلیٹس اور ریکارڈ 140 آفیشلز پر مشتمل ہو گا، دستے کے 140 آفیشلز میں سپورٹ اسٹاف، کوچز اور دیگر افراد شامل ہیں- 72 افراد کا خرچ حکومت اٹھائے گی، شاٹ پٹ کی آبھا کھاٹوا کوالیفکیشن کے باوجود دستے میں شامل نہیں ہیں اور اس حوالے سے کوئی وجہ بھی نہیں بتائی گئی ہے۔
دستے کے 68 افراد جن میں 11 آئی او اے آفیشلز شامل ہیں وہ اولمپک ولیج میں رہیں گے جبکہ ایتھلیٹس کی معاونت اور کوچنگ کے لیے اضافی 72 افراد پر مشتمل سپورٹ اسٹاف رکھا گیا ہے۔