آواز دی وائس :  روہت شرما نے سن رائزرز حیدرآباد کے خلاف میچ میں 70 رنز کی شاندار اننگز کھیلی۔ اپنی نصف سنچری اننگز کھیل کر انہوں نے ٹیم کو 7 وکٹوں سے فتح سے ہمکنار کیا۔ آپ کو بتاتے چلیں کہ روہت نے 46 گیندوں پر 70 رنز کی اننگز کھیلی، ان کی اننگز میں ہٹ مین 8 چوکے اور تین چھکے لگانے میں کامیاب رہے۔ روہت نے اپنی نصف سنچری اننگز کے دوران ٹی-20 میں 12000 رنز مکمل کئے۔ روہت ٹی ٹوئنٹی میں 12000 رنز بنانے والے ویرات کوہلی کے بعد دوسرے ہندوستانی بن گئے جب کہ ہٹ مین نے تیز ترین 12000 رنز بنانے کا ویرات کوہلی کا ریکارڈ توڑ دیا۔ روہت شرما بھارت کی جانب سے سب سے کم گیندیں کھیل کر 12000 ٹی-20 رنز بنانے والے بھارتی بلے باز بن گئے ہیں۔ (گیندوں کے ذریعے تیز ترین 12000 T20 رنز)

مجموعی طور پر وہ سب سے کم گیندیں کھیل کر 12000 رنز بنانے والے دنیا کے چھٹے بلے باز بن گئے ہیں۔ آپ کو بتاتے چلیں کہ روہت نے 8,885 گیندیں کھیل کر 12000 ٹی20 رنز مکمل کیے وہیں ویرات کوہلی نے اپنے T20 کیریئر میں 8,997 گیندیں کھیل کر 12000 رنز مکمل کرنے کا کارنامہ انجام دیا۔ اس کے ساتھ ہی عالمی کرکٹ میں سب سے کم گیندیں کھیل کر 12000 رنز بنانے کا عالمی ریکارڈ کیرون پولارڈ کے نام ہے۔ کیرون پولارڈ نے 7992 گیندیں کھیل کر 12000 رنز مکمل کیے۔