دولت رحمان/گوہاٹی

سی بی ایس ای کے 12ویں جماعت کے امتحان میں ڈان باسکو اسکول، پان بازار، گوہاٹی کی ٹاپر نورین رحمان بروا بھی ایک باصلاحیت بھرتناٹیم ڈانسر ہیں۔ نورین نے اس سال 12 ویں کے فائنل امتحان کے آغاز سے عین قبل، ہندوستانی کلاسیکی رقص اور موسیقی کی ایک طالبہ کی حیثیت اسٹیج پر پہلی پرفارمنس پیش کی تھی ،وہ کہتی ہیں کہ رقص درحقیقت مثبت انداز کو برقرار رکھنے میں مدد دے سکتا ہے۔ اس کا فائدہ تعلیم کے میدان میں بھی ہوتا ہے ۔ جس کا رتجربہ مجھے ہوا ہے ۔

آواز-دی وائس سے بات کرتے ہوئے نورین نے کہا کہ بھرتناٹیم جیسا رقص امتحان سے پہلے طالب علم میں بے چینی کی سطح کو کنٹرول کرنے اور گھبراہٹ کو روکنے میں مدد کرتا ہے۔ وہ کہتی ہیں کہ کوئی شخص تنہائی میں بیٹھ کر تیاری کرنے کو ترجیح دے سکتا ہے۔ اعلیٰ سطح کی توجہ کے لیے قید میں گھنٹوں گزارنے کے بعد طالب علم تناؤ محسوس کرنا شروع کر سکتا ہے۔ رقص آپ کے تناؤ کو فوری طور پر دور کرنے کے بہترین طریقوں میں سے ایک ہے۔

نورین نے ہیومینٹیز اسٹریم میں 97فیصد کے مجموعی نمبر حاصل کیے ہیں اور ڈان باسکو اسکول، پان بازارمیں جو شمال مشرق کے قدیم ترین مشنری اسکولوں میں سےایک ہے۔ اسکول ٹاپر بن گئی ہیں۔انہوں نے انگریزی میں 100 میں سے 99 نمبر حاصل کیے ہیں۔

 میں اپنی کامیابی کا سہرا صرف محنت کو نہیں دینا چاہتی۔ میرے والدین اور اساتذہ کے مجھ پر یقین نے میرے اعتماد کو بڑھانے اور امتحان میں سبقت حاصل کرنے میں اہم کردار ادا کیا ہے۔ میرے اسکول کے اساتذہ مجھے بتاتے تھے کہ مجھے بہت آگے جانا ہے، جس نے مجھے بہت زیادہ حوصلہ دیا۔ نورین تیراکی، لکھنے اور قیادت کی تربیت کی سرگرمیوں میں بھی دلچسپی رکھتی ہیں۔

نورین جو کہ ہندوستان میں یا بیرون ملک کسی ایک اعلی درجے کے ادارے میں اپنے گریجویشن اور پوسٹ گریجویشن کی سطحوں میں نفسیات کو ایک اہم مضمون کے طور پر رکھیں گی ۔ان کا کہنا ہے کہ وہ لوگوں کے ذہنوں کو پڑھنے میں بہت زیادہ دلچسپی رکھتی ہیں۔ انہوں نے کہا کہ وسیع تر اصطلاحات میں نفسیات طبی سائنس اور صحت کی دیکھ بھال کے نظام کا ایک لازمی حصہ ہے۔

وہ کہتی ہیں کہ موجودہ معاشرے میں ذہنی صحت بھی جسمانی صحت کی طرح ہی اہم ہو گئی ہے۔ درحقیقت ذہنی تندرستی جسمانی تندرستی کا باعث بنتی ہے۔ان کے والد مصطفی ساجد بروہ ایک انجینئر ہیں اور والدہ مرزینہ بیگم تدریسی پیشے سے وابستہ ہیں۔

پچھلے برسوں کی طرح ڈان باسکو اسکول نے ایک بار پھر سی بی ایس ای امتحان کے نتائج میں شاندار کارکردگی کا مظاہرہ کیا ہے۔ کلاس 12 کے امتحان سائنس اسٹریم کے نتائج میں آیوشمان گھوسل اور اشلیشا سرما 96.80فیصد مجموعی نمبر کے ساتھ اسکول کے ٹاپر ہیں۔ کامرس اسٹریم میں دھرو لونیا اور شوریہ جین نے 96.80فیصد مجموعی نمبر حاصل کیے۔ مجموعی طور پر 95 طلباء نے 90فیصد سے زیادہ نمبر حاصل کیے ہیں اور 82 نے 80فیصد سے زیادہ نمبر حاصل کیے ہیں۔ دسویں جماعت کے امتحان کے نتائج میں دھروبنیل باروہ 97.80فیصد مجموعی نمبروں کے ساتھ اسکول کا ٹاپر ہے۔ جبکہ 72 طلباء نے 90فیصد سے زیادہ نمبر حاصل کیے، 69 طلباء نے 80فیصد سے زیادہ نمبر حاصل کیے ہیں۔ ڈان باسکوا سکول کے ریکٹر اور پرنسپل فادر سیباسٹین میتھیو نے کہا کہ ان کا اسکول ہمیشہ اس بات پر زور دیتا رہا ہے کہ وہ اپنے طلباء کو تعلیمی اور دیگر شعبوں میں بہترین کارکردگی کا مظاہرہ کر سکیں۔ ہم مختلف شعبوں میں طلباء کی صلاحیتوں کو نکھارنے کے لیے ایک جامع طریقہ اختیار کرتے ہیں۔