نئی دہلی :کپٹن صائمہ درانی امریکی فوج کی سول افیئرز آفیسر ہیں۔ ان کا بنیادی کام سفارتی اور سول ملٹری تعلقات کو فروغ دینا ہے۔ انہوں نے 2024 میں ہندوستان اور امریکہ کی مشترکہ فوجی مشق یودھ ابھیاس میں حصہ لیا۔ اس مشق میں انہوں نے ہندوستان امریکہ دوستی کو مضبوط بنانے پر زور دیا۔ صحافیوں سے بات کرتے ہوئے انہوں نے بتایا کہ امریکی کپتان ہونے کے علاوہ ان کا تعلق یوپی کے دو بڑے شہروں سے بھی ہے۔

کپٹن صائمہ درانی کا تعلق لکھنؤ اور رام پور سے ہے۔

کپٹن صائمہ درانی نے کہا کہ میں پہلی بار امریکی فوج کے ساتھ ہندوستان آئی ہوں۔ میں اس بارے میں بہت خوش ہوں۔ میرا اور میرے خاندان کا تعلق لکھنؤ اور رام پور سے ہے۔ ہمارا خاندان اب بھی وہاں موجود ہے۔ مجھے پہلی بار ان سے ملنے کا موقع ملا ہے۔ میرے والدین دونوں ڈاکٹر ہیں۔ میرے دادا اور پردادا سمیت تین نسلیں ہندوستانی فوج میں خدمات انجام دے چکی ہیں۔ میں ایک فوجی گھرانے سے ہوں۔ میرے پردادا پنجاب رجمنٹ میں تھے۔ میں نے تقریباً 16 سال تک امریکی فوج میں خدمات انجام دیں۔

امریکی فوج کی کیپٹن صائمہ درانی، لکھنو اور رام پور سے جڑے ہیں تار ،جن کی 3 نسلوں نے ہندوستانی فوج کی خدمات انجام دیں#CaptainSaimaDurrani #Rampur #Lucknow #USArmy #YudhAbhyas2024 #USArmy #IndianArmy pic.twitter.com/DMjlAXdMBB

— Awaz-The Voice URDU اردو (@AwazTheVoiceUrd) September 22, 2024

ہندوستان-امریکہ مشترکہ مشق 2024

ہندوستانی اور امریکی فوج کے سپاہیوں نے راجستھان میں مہاجن فائرنگ رینج میں جاری 'یدھ ابھیاس' کے دوران کئی مشقیں کیں، جس کا مقصد دونوں فوجوں کے درمیان زیادہ سے زیادہ ہم آہنگی کو فروغ دینا ہے۔ مشق میں تربیت یافتہ پرندوں کے ذریعے چھوٹے ڈرونز کو نشانہ بنانا، ہاؤٹزر سے فائرنگ، ہیوی مشین گنز اور مارٹر اور ان کی بکتر بند گاڑیوں کی نمائش شامل تھی۔ مشق کے دوران ہندوستانی اور امریکی فوجیوں نے جنگی مشقوں کے دوران انسداد دہشت گردی کی مشقیں کیں جس میں اپاچی اٹیک ہیلی کاپٹر اور اے ایل ایچ دھرو ویریئنٹس جیسے ہیلی کاپٹروں نے بھی حصہ لیا۔