آواز دی وائس

طالبان کے نائب وزیر خارجہ نے افغان لڑکیوں کے لیے اسکول کھولنے کا مطالبہ کیا ہے۔ یہ تبصرے حالیہ برسوں میں خواتین کی تعلیم پر ملک کی پابندیوں پر ایک طالبان عہدیدار کی جانب سے کی جانے والی شدید ترین عوامی تنقیدوں میں سے ایک ہیں۔ لڑکیوں کی تعلیم پر پابندی ایک ایسی پالیسی ہے جس نے طالبان کو دنیا بھر سے الگ تھلگ کردیا۔میڈیا رپورٹس کے مطابق شیر محمد عباس ستانکزئی نے  ایک تقریر میں کہا کہ لڑکیوں اور خواتین کی تعلیم پر پابندیاں اسلامی شریعت کے مطابق نہیں ہیں۔

مقامی میڈیا کے مطابق، وزیر نے طالبان انتظامیہ کے نام کا حوالہ دیتے ہوئے کہا کہ ہم امارت اسلامیہ کے رہنماؤں سے تعلیم کے دروازے کھولنے کی درخواست کرتے ہیں۔ نبی کریم صلی اللہ علیہ وسلم کے دور میں علم کے دروازے مردوں اور عورتوں دونوں کے لیے کھلے تھے۔

افغانستان کی خواتین کی آبادی کا ذکر کرتے ہوئے نائب وزیر خارجہ نے کہا کہ آج 40 کروڑ کی آبادی میں سے ہم 20 کروڑ لوگوں کے ساتھ ناانصافی کر رہے ہیں۔ طالبان کا دعویٰ ہے کہ وہ اسلامی قانون اور افغان ثقافت کی اپنی تشریح کے مطابق خواتین کے حقوق کا احترام کرتے ہیں۔ تاہم، اس نے 2022 میں لڑکیوں کے لیے ہائی اسکول کھولنے کے اپنے وعدے پر یو ٹرن لیا۔ 2022 کے آخر میں طالبات کے لیے یونیورسٹیوں کو بند کر دیا۔