یروشلم: غزہ بحران  اور اسرائیلی جاریت نے اقوام متحدہ میں پوری دنیا کودو حصوں میں بانٹ دیا ہے لیکن اکثریت فلسطین کو بطور ازاد ریاست دیکھنا چاہتی ہے - غزہ کی مکمل تباہی کے بعد اسرائیل کے خلاف عالمی سفارتی مہم میں جو نتائج سامنے آرہے ہیں اس سے اسرائیل پر کہیں نہ کہیں دباؤ پڑتا نظر ارہا ہے _یہی وجہ ہے کہ اقوام متحدہ میں ازاد فلسطین ریاست کے نام پر رائے دہی کے دوران جن ممالک نے فلسطین کے حق میں ووٹ دیا- اب وہ اسرائیل کی نظر میں اس کے مخالف ہیں- اسرائیل کے دفتر خارجہ نے کہا ہے کہ جن ملکوں نے اقوام متحدہ میں فلسطین کی مکمل رُکنیت کی حمایت میں ووٹ دیا اُن کے سفیروں کو طلب کر کے احتجاج کیا جائے گا۔اسرائیل کا یہ بیان ایسے وقت آیا ہے جب فلسطینی اتھارٹی نے کہا ہے کہ اس کی رکنیت کے معاملے پر امریکی ویٹو کے بعد واشنگٹن سے تعلقات پر ’نظرثانی‘ کی جائے گی۔ رواں ہفتے کے دوران اقوام متحدہ کی سکیورٹی کونسل میں فلسطین کی مکمل رکنیت کے لیے پیش کی گئی قرارداد کی 12 ملکوں نے حمایت کی تھی جبکہ دو ملکوں برطانیہ اور سوئٹزرلینڈ نے ووٹنگ میں حصہ نہیں لیا تھا اسرائیل کے سب سے بڑے حامی اور اتحادی امریکہ کی جانب سے ویٹو کے بعد یہ قرارداد مسترد کر دی گئی تھی۔