مکہ و مدینہ :: مکہ مکرمہ اور مدینہ منورہ کی مقدس فضائیں رمضان کی بابرکت 27ویں شب میں اللہ کی عبادت میں گونج اٹھیں۔ مسجد الحرام اور مسجد نبوی میں لاکھوں فرزندانِ توحید نے عشا اور تراویح کی نماز ادا کی، روح پرور مناظر دیکھنے میں آئے۔
زائرین کی آمد اور خصوصی انتظامات
سعودی شہری، مقیم غیرملکی اور دنیا بھر سے آئے زائرین افطار سے قبل ہی حرمین شریفین کا رخ کرنے لگے۔ مسجد الحرام کی تیسری توسیع کے تحت تمام منزلیں، دالان، تہ خانے، چھتیں اور اطراف کے علاقے نمازیوں سے مکمل بھر گئے۔
“O Allah, protect the Two Holy Mosques, and protect Al-Aqsa Mosque, proud and honorable until Day of Judgement”
From the supplication of Sheikh Dr. Abdul Rahman Al-Sudais, Night 27
pic.twitter.com/VKLRjGmiJj
— Inside the Haramain (@insharifain) March 26, 2025
حرمین شریفین کی انتظامیہ نے 27ویں شب کی خصوصی اہمیت کو مدنظر رکھتے ہوئے زائرین کی سہولت کے لیے وسیع تر انتظامات کیے۔ ان انتظامات کے تحت سکیورٹی سروسز کے اہلکاروں اور رضاکاروں کو تعینات کیا گیا تاکہ نمازیوں کی آمد و رفت کو منظم رکھا جائے اور عبادت میں کوئی خلل نہ ہو۔ تراویح کی براہ راست نشریات الاخباریہ چینل نے مسجد الحرام میں تراویح کے روح پرور مناظر براہ راست نشر کیے، جن میں دیکھا گیا کہ نہ صرف مسجد الحرام بلکہ اس کے اطراف کی سڑکیں، تجارتی مراکز اور ہوٹلوں کی راہداریاں بھی عبادت گزاروں سے بھری ہوئی تھیں۔ 27ویں شب کی فضیلت اور نماز تراویح رمضان کے آخری عشرے میں 27ویں شب کو خاص اہمیت حاصل ہے۔
دنیا بھر سے آنے والے عمرہ زائرین اس شب کو مسجد الحرام اور مسجد نبوی میں عبادت کرتے ہوئے گزارنے کی خواہش رکھتے ہیں۔ مسجد الحرام میں شیخ ڈاکٹر بدر بن محمد الترکی اور شیخ ڈاکٹر ماہر بن حمد المعیقلی نے تراویح کی امامت کی، جبکہ مسجد نبوی میں شیخ ڈاکٹر محمد بن احمد برھجی اور شیخ ڈاکٹر عبداللہ بن عبدالمحسن القرافی نے نماز تراویح پڑھائی۔
انتظامیہ کی جانب سے زائرین کی سہولت کو مدنظر رکھتے ہوئے مسجد الحرام میں خصوصی سکیورٹی اور انتظامی اہلکار تعینات کیے گئے، جو نمازیوں کی آمد و رفت کو سہولت فراہم کرنے اور راستوں کو منظم رکھنے میں معاونت کرتے رہے۔ یہ مبارک شب ایک بار پھر ایمان افروز مناظر کے ساتھ اختتام پذیر ہوئی، جہاں لاکھوں مسلمان اپنے رب کے حضور خشوع و خضوع کے ساتھ سربسجود رہے، رحمت، مغفرت اور نجات کی دعائیں مانگتے رہے۔
رمضان کی 27ویں شب: مسجد الحرام میں بارانِ رحمت، زائرین کی ایمان افروز دعائیں
مکہ مکرمہ میں بدھ، 26 مارچ کو رمضان کی 27ویں شب بارانِ رحمت برسنے کی اطلاعات موصول ہوئیں، جس نے مسجد الحرام کے روحانی ماحول کو مزید پرنور بنا دیا۔ زائرین نے موسلا دھار بارش کے دوران خشوع و خضوع کے ساتھ دعائیں مانگیں اور عبادات میں مشغول رہے۔
بارش میں عبادت کے روح پرور مناظر
الاخباریہ چینل کی جانب سے نشر کی گئی وڈیوز میں مسجد الحرام کے صحن اور مطاف میں زائرین کو بارش کے دوران اللہ کے حضور سربسجود اور دعائیں مانگتے ہوئے دکھایا گیا۔ بارش کی بوندوں کے ساتھ زائرین کی آنکھوں سے بہنے والے آنسو ایک ایمان افروز منظر پیش کر رہے تھے۔
انتظامیہ کی بروقت کارروائیاں
حرمین شریفین کی انتظامیہ نے مسجد الحرام میں زائرین کی سہولت اور سلامتی کو یقینی بنانے کے لیے ہنگامی اقدامات کیے۔ بارش کے دوران مطاف، نماز کے مقامات اور داخلی راستوں پر فوری نکاسی آب کا انتظام کیا گیا، جبکہ فرش کو خشک رکھنے کے لیے متعلقہ ادارے متحرک رہے۔
Packed Mataaf in 27 Ramadan 1446 pic.twitter.com/36kQJkpzl2
— Inside the Haramain (@insharifain) March 26, 2025
زائرین کی سلامتی اور سہولت اولین ترجیح
متعدد سرکاری اداروں کے تعاون سے مسجد الحرام میں خصوصی تدابیر اختیار کی گئیں تاکہ زائرین کو کسی بھی پریشانی کا سامنا نہ کرنا پڑے اور وہ عبادت میں مکمل سکون اور یکسوئی کے ساتھ مشغول رہ سکیں۔یہ نورانی لمحات جہاں زائرین کے لیے خوشی اور برکت کا باعث بنے، وہیں بارانِ رحمت نے مسجد الحرام کے روحانی ماحول کو مزید پاکیزہ کر دیا، جہاں لاکھوں افراد نے جھک کر اللہ کی رحمت اور مغفرت طلب کی۔
