واشنگٹن ڈی سی : وزیر خارجہ ایس جےشنکر نے واشنگٹن میں ہندوستانی سفارت خانے میں پریس کانفرنس کے دوران کہا کہ پاکستان کے ساتھ تجارت پر پچھلے ایک سال میں کوئی بات نہیں ہوئی۔وزیر خارجہ امریکہ میں صدر ٹرمپ کی حلف برداری تقریب کے حوالے سے موجود ہیں جہاں انہوں نے پریس کانفرنس میں پاکستان سمیت کئی امور پر بات کی۔پاکستان کے ساتھ تجارت کے سوال پر جے شنکر کا کہنا تھا کہ ’’تجارت ہم نے تو بند نہیں کی، 2019 میں ان (پاکستان) کی طرف سے فیصلے لیے گیے کہ ہندوستان کے ساتھ تجارت نہیں کرنی۔

’ہماری شروع سے کوشش تھی کہ ہمیں ایم ایف این (موسٹ فیورڈ نیشن) سٹیٹس ملے۔ ہم پاکستان کو ایم ایف این سٹیٹس دیتے، وہ ہم کو نہیں دیتے تھے۔‘ جےشنکر کا مزید کہنا تھا، ’پچھلے سال کے بعد پاکستان کے ساتھ بیٹھ کر تجارت کے بارے میں ایسی کوئی بات نہیں ہوئی، نہ ان کی طرف سے ایسی کوئی پہل کی گئی ہے