نئی دہلی : ملٹی ڈسپلنری سینٹر فار ایڈوانسڈ رسرچ اینڈ اسٹڈیز ایم سی اے آر ایس جامعہ ملیہ اسلامیہ کی ایم ایس سی ویرولوجی کی سال اول کی طالبہ فاطمہ رضوی کو ریلائس فاؤنڈیشن اسکالر شپ ملی ہے۔ اس اسکالرشپ کے تحت انھیں چھے لاکھ روپے ملیں گے۔ ریلائنس فاؤنڈیشن نے انھیں ملک گیر پیمانے پر سخت انتخابی عمل کے ذریعے منتخب کیا ہے اور ان کی علمی حصولیابیوں قائدانہ صلاحیت اور ان میں آگے چل کر اپنے اختصاص کے میدان میں نمایاں کارکردگی کا مظاہرہ کرنے کی صلاحیتوں کا اعتراف کیا ہے۔ انتخاب کے لیے بنائے گئے پینل کے ماہرین ایکسیلینس کے تئیں ان کے رویے ترقی کی ذہنیت، قائدانہ صلاحیت برادری کے تئیں ان کے عہد ، یکجتی اور ان کے بمت وحوصلے سے کافی متاثر تھے۔